Дүниежүзілік денсаулық сақтау ұйымының басшысы әлемде тағы бір пандемия болуы мүмкін екенін айтты
Әлем назары басқа мәселелерге бағытталғандықтан, қазір ешбір ел жаңа пандемияға дайын емес. Мұны дүниежүзілік денсаулық сақтау ұйымының бас директоры Тедрос Аданом Гебрейесус Дубайда өткен дүниежүзілік үкімет саммитінде мәлімдеді. Бұл туралы Stan.kz ақпарат агенттігі Tass сайтына сілтеме жасап хабарлайды.
Оның айтуынша, әлем COVID-19-дан сабақ алмаған. Оның соңы орны толмас зардаптарға әкелуі мүмкін.
"Тұмау вирусы немесе жаңа коронавирус немесе біз әлі білмейтін жаңа патоген, яғни ол X ауруы болуы мүмкін. Әңгіме оның қандай вирус екенінде емес, біз ешқайсысына дайын емеспіз”, – деді ол.
X ауруы терминін алғаш рет ДДҰ 2018 жылы ойлап тапты. Бұл дегеніміз – мамандарға белгісіз ауру.
Осыған байланысты Гебрейесус елдерді пандемияға дайындық туралы халықаралық келісімді әзірлеу кезінде туындаған келіспеушіліктерді еңсеруге шақырды. Ол 2024 жылдың мамыр айында дүниежүзілік денсаулық сақтау ассамблеясының мақұлдауына ұсынылуы керек.
Талқылау
Республика күнінің маңызы не, мерекені не себепті қайтарды – Саясаттанушылар жауап берді
1990 жылы 25 қазанда еліміздің мемлекеттік егемендігі туралы декларация қабылданған
"9 жаста етеккірі келіп, мастурбация жасайды": Қазақстандық ата-аналар балаларындағы ерте жыныстық жетілу белгілеріне алаңдаушылық білдірді
Маман: “Ата-аналар баласының желіден не көріп жүргенін бақыламайды”