Ақтөбеде есірткі тұтынған автобус жүргізушісі ұсталды
Ақтөбеде автобус жүргізушісі есірткі тұтынып, қоғамдық көлікті тізгіндеген, деп хабарлайды Stan.kz ақпарат агенттігі.
20 сәуірде жол полициясы Рысқұлов көшесі бойында жол қозғалысы ережесін бұзған 7-бағыттағы "Паз" жолаушылар тасымалдайтын автобусты тоқтатқан. Автобусты 52 жастағы ер адам тізгіндеген.
"Құжаттарды тексеру кезінде жүргізушінің жағдайы күдік туғызды, осыған байланысты ол медициналық тексеруге жіберілді, онда жүргізуші есірткі қолданып, мас күйінде болғаны анықталды", - деп мәлімдеді Ақтөбе облыстық полиция департаментіндегілер.
Автобус арнайы тұраққа қойылды. Ал қоғамдық көлік жүргізушісі 7 жыл мерзімге көлік құралын басқару құқығынан айырылып, 15 тәулікке әкімшілік қамауға алынады.
"Әскерден келген соң үйленеміз деп еді": Каспийде қаза тапқан сарбаздардың жақындары жанайқайын жеткізді
Жанардың айтуынша, отбасы Олжасты қуанышпен күтіп отырған
"Алдымен үйленейік, кейін Сирияға барайық": Бейтаныс адамдар әлеуметтік желі арқылы қазақстандықтарды қалай арбайды
Әлеуметтік желіде ер адамға Сирияға барып соғысуды ұсынған