Ақтөбеде әйел көлігін сатып алғысы келген адаммен кездесемін деп мерт болды
Ақтөбе облысының полиция департаменті ақтөбелік тұрғынды өлтіріп кеткенін анықтады. Бұл туралы Stan.kz ақпарат агенттігі хабарлайды.
9 маусымда 55 жастағы әйел көлігін сату үшін көлік базарына шығып, жоғалып кеткен. Жоғалған әйелдің туыстары полицияға хабарласқан.
"Осы өтініш бойынша жеке құрам дереу хабардар етіліп, қылмыс белгілерінің болуына байланысты іс анықталып, Кісі өлтірумен байланысты тонау бойынша сотқа дейінгі тергеу амалдары жүргізілді", – деп хабарлады облыстық полиция.
Полицейлер күдіктіні анықтай алды. Оның үйіндегі гараждан ұрланған көлік табылды. Ол ұсталып, уақытша ұстау изоляторына қамалды.
Тәртіп сақшылары қала сыртынан әйелдің денесін тапты.
"Аталған іс бойынша сараптама тағайындалды, тергеу амалдары жүргізіліп жатыр", – деп мәлімдеді Ақтөбе облыстық полиция департаменті.
Тергеу барысы полиция бөлімшесінің бастығының бақылауында.
"Өлтіруге болатынын балаларға көрсетуге болмайды": Зообелсенділер бұралқы иттерді жоюға қарсы шықты
14 сәуірде Алматыда бұралқы иттерді эвтаназиялауды міндеттейтін заңға қарсы баспасөз конференциясы өтті
"Тоқырау жылдарында оқуға түсе алмадым": 50 жасында диплом алған алматылық медбике өз арманын қалай орындады
Жалғызбасты ана екі қызын аяққа тұрғызу үшін жоғары білім алуға мүмкіндігі болмаған