Ақтөбе облысыныда білім басқармасының басшысы 18,5 миллион теңге пара алды деген күдікке ілінді
Шенеунік қызмет бойынша жалпы қамқорлығы үшін ведомстволық бағынысты ұйымдардың басшыларынан пара алды деп айыпталды. Бұл туралы Stan.kz ақпарат агенттігі хабарлайды.
Фото: Видеодан скрин
Сыбайлас жемқорлыққа қарсы қызмет агенттігінің ресми өкілі Данияр Бегайдаров Ақтөбе облысы Шалқар аудандық білім бөлімінің басшысына қатысты істің тергеліп жатқанын мәлімдеді.
Ақтөбе облысы бойынша Сыбайлас жемқорлыққа қарсы қызмет Шалқар ауданындағы білім бөлімінің басшысына қатысты қылмыстық істі тергеп жатыр. Ол аудандық жалпы білім беретін орта мектептің директоры арқылы қызмет бойынша жалпы қамқорлығы үшін ведомстволық бағынысты ұйымдардың басшыларынан жалпы сомасы 18,5 миллион теңге пара алды деген күдікке ілінді. Соттың санкциясымен білім бөлімінің басшысы мен аудандық мектеп директоры қамауға алынды.
“2023 жылдың басынан бері бұл салада 229 қылмыстық іс тіркелді. Олардан келтірілген залал 15 миллиард теңгеден асады. Ең көп ұрлық Жетісу, Түркістан, Қызылорда, Алматы, Ақтөбе облыстары мен Алматыда анықталды”, – делінген хабарламада.
Бұған дейін Астанада Балық шаруашылығы комитетінің басшылары сотталған еді.