Ақмола облысында ХҚКО қызметкерлері 2 жыл бойы көлікті заңсыз тіркеумен айналысқан
Ақмола облысында 2 жыл бойы жүк көліктерін заңсыз тіркегендер, оның ішінде мамандандырылған ХҚКО қызметкерлерінің ісі әшкереленді. Бұл туралы Stan.kz ақпарат агенттігі хабарлайды.
Фото: видеодан скриншот / ҚР Қаржылық мониторинг агенттігі
“Тергеу барысында қаржы мониторинг агентігінің аумақтық департаменті Көкшетау қаласының ХҚКО мамандандырылған бөліміне Еуропадан әкелінген 100-ден астам автокөлік құралын алғашқы тіркеу үшін жалған төлем құжаттарын беру фактілерін анықтады. Қылмыстық іс-әрекеттің нәтижесінде мемлекетке 700 млн теңгеден астам шығын келтірілді”, – деп мәлімдеді ҚМА ресми өкілі Әлібек Әбділов.
Аталған фактілер бойынша сотқа дейінгі тергеп-тексеру басталды және күдікті адамдарға қатысты сот қамауда ұстау түріндегі бұлтартпау шарасына санкция берді.
ҚР ҚПК-нің 201-бабы тәртібіндегі өзге де ақпарат жария етуге жатпайды.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық