Ақмола облысында 700 км-ден астам автожолдарда жөндеу жұмыстары жоспарланған
Ақмола облысының әкімі Ермек Маржықпаев Орталық коммуникациялар қызметінде өткен брифингте өңірде жол инфрақұрылымын дамытуға ерекше көңіл бөлінетінін атап өтті, деп хабарлайды ішкі саясат басқармасы.
Жергілікті маңызы бар автомобиль жолдарын және көше-жол желісін салуға және жөндеу бойынша 230 жобаны іске асыру жоспарлануда, биыл 180 жоба аяқталады.
"Биыл 700 шақырымнан астам облыстық, аудандық маңызы бар жолдарды және елді мекендердің көше-жол желісін жөндеу жоспарланған. Жүргізілген жұмыс нәтижесінде жолдардың жақсы жағдайдағы үлесін 82%-ға дейін арттырамыз", – деді аймақ басшысы.
Ермек Маржықпаев өз баяндамасында соңғы үш жылда облыста 1 300 км-ден астам жергілікті жолдар салынды және жөнделді, оның ішінде 800 км ауылдық жерлерде.
Айта кетейік, Ақмола облысында жалпы пайдаланымдағы автомобиль жолдарының ұзындығы шамамен 8 мың км құрайды, оның ішінде республикалық маңызы бар – 2,3 мың км, облыстық – 2,7 мың км және аудандық – 3 мың км.
Талқылау
"Несиенің пайыздық мөлшерлемесі азаяды": Сарапшы коммерциялық банктер тұрғын үй жинағын енгізсе қандай өзгерістер болатынын айтты
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”
"Ауаға ең күшті улы заттар тарады": Экологтар Алматыдағы қоқыс полигонының өртіне байланысты дабыл қақты
Экологист мұндай апат қандай жағдайлардың салдары екенін талдап айтып берді