Әйел суретке түсіру үшін зират басынан 96 раушан ұрлаған
Ресейдің Алтай өлкесінде зираттан 96 раушан гүлін ұрлап кеткен әйелге сот үкімі шықты. Ол гүлдерді суретке түсу үшін алып кеткен. Бұл туралы Stan.kz ақпарат агенттігі хабарлайды.
Тергеу мәліметінше, әйел марқұмдарды еске алу күні зираттағы қабірлердің бірінен үлкен гүл шоғын көрген. Кейін 96 раушанды алып кетіп, олармен суретке түспек болған.
Алайда гүлдер марқұм әйелінің қабіріне арнайы әкелінген болып шықты. Марқұмның күйеуі қымбат әрі көлемді гүл шоғын сатып алу үшін бірнеше ай бойы ақша жинаған.
Сот әйелді бөтеннің мүлкін ұрлап, жәбірленушіге елеулі шығын келтірді деп таныды.
“Сотталушыға жасаған әрекеті үшін, ауырлататын мән-жайларды ескере отырып, екі жылға шартты түрде бас бостандығынан айыру жазасы тағайындалды”, – делінген прокуратура хабарламасында.
Іс Петропавл аудандық сотында қаралған.
Бөтен тойға кіріп, тамақтанып кеткен: Шақыртусыз қонақтар қазақстандықтардың ашуына тиді
Шақырусыз адамдардың тек тойға емес, қаралы асқа да келетінін айтқандар болды
Қазақстанда ата-аналар Мұғалімдер күніне сыйлық алуға ақша жинап жатыр: Оқу-ағарту министрлігі не дейді
Ведомство әр адамға өз ұстазына алғыс айтып, видеомен құттықтауды ұсынды