"Бір аптада екі адамның өліміне әкелді. Екеуі де бала. Қаза болғандардың отбасына көңіл айтамын. Қаза болғандар мен жүргізушілердің отбасына өте ауыр. Жүргізушілерге жаным ашиды. Олардың да отбасына қиыншылық келді. Бұл мәселенің екінші жағы да бар. Көлік апаттары туралы жиі естиміз. Бірақ жарақат алған жаяу жүргіншілерге статистика жүргізе ме? Кейде желіде тұрғындар самокат тізгіндегендермен болған қақтығыстары туралы айтып жатады. Менің ойымша, бұған тексеріс жүргізбейді, тіпті статистика жоқ. Адамдар да арызданбайтын сияқты. Түптеп келгенде, биліктің әрекетсіздігі осыған әкелді. Әр мәселенің екі жағы бар", – деді желі қолданушыларының бірі.

Сондай-ақ келесі бір желі қолданушысының айтуынша, Парижде самокатты қолдануға тыйым салынған. Бұл ережені біздің елге де енгізу керек дейді ол.

"Париж электрлі самокатты жалға алуға тыйым салған Еуропадағы алғашқы ел. Нәтижесінде, бұл құрылғылардың 15 мыңы Париж көшелерінен алынды. Бұл шешім сәуір айында өткен дауыс беру нәтижелері бойынша қабылданды. Біздің елде де тыйым салу керек", – деді Оксана есімді желі белсендісі.

Ал желі белсенділерінің кейбір бөлігі жол апатына электрлі самокат тізгіндегендер емес нашар жол мен жүргізушілердің сауатсыздығы кінәлі дейді олар.

"Бұл жерде самокаттың не қатысы бар. Өлімге жеңіл көліктер мен жүк көлігінің жүргізушілері кінәлі. Жол апатының алдын алу үшін самокатқа тыйым салмай, қаладағы көліктердің жылдамдығын мен санын азайту керек. Мәселен, көлік апатынан болған өлім статистикасын қайда қалдырамыз? Мұндай жағдайда да көліктерге тыйым саламыз ба? Көлік апатынан жүздеген адам өлімі тіркеліп жатыр, тіпті самокат жүргізушісін (оқиғаға кінәлі емес) көлік қағып кетсе, тағы да самокатқа тыйым салу керек пе?" – деді Facebook белсендісі.

"Балалар мен ересектерге тыйым салуды ұсынып отырсыздар. Бірақ оның салдарынан болатын жол апатына самокат тізгіндегендер емес инфрақұрылымның нашарлығы мен жүргізушілердің сауатсыздығы кінәлі. Біздің нашар жолдардағы құрбан болғандардың саны соғыста қаза болғандардың санымен сәйкес келеді. Жылдамдықты азайту туралы ұсынысты қолға алу керек. Самокатпен келе жатқан балалар ережені бұзбай-ақ қаза тауып жатыр. Ал көпшілігі оларды кінәлайды", – деді желі қолданушысы Вадим Винокуров.

Айта кетейік, 4 қазан күні Алматыда жүк көлігі самокат мінген 13 жастағы жасөспірімді басып кеткен болатын. Жантүршігерлік оқиға Тимирязев көшесінде болған. Ал екінші жағдай да күні кеше болған еді. 17 жастағы мопедисті жүк көлігі қағып, жасөспірім оқиға орнында көз жұмды. Ал оның жанындағы жолаушысы ауруханаға жеткізілді.

Талқылау