36 елдің ұшағына Ресей аумағынан өтуге шектеу қойылды

36 елдің әуе тасымалдаушылары Ресей Федерациясының үстінен ұшу үшін рұқсат алуы керек, деп хабарлайды Stan.kz ақпарат агенттігі РИА Новостиге сілтеме жасап.

"Халықаралық құқыққа сәйкес, еуропалық мемлекеттердің ресейлік авиатасымалдаушылар орындайтын Ресейде тіркелген азаматтық әуе кемелерінің ұшуына тыйым салуына жауап ретінде 36 мемлекеттің әуе тасымалдаушыларына Ресей арқылы ұшуға шектеу енгізілді", – деп хабарлады Ресей Федерациясы.

Белгіленгендей, шектеулер келесі елдердің әуе тасымалдаушыларына әсер етеді: Австрия, Албания, Ангилья, Бельгия, Болгария, Британияның Виргин аралдары, Ұлыбритания, Венгрия, Германия, Гибралтар, Греция, Дания (+ Гренландия, Фарер аралдары, Территориялық теңізі), Джерси, Ирландия, Исландия, Испания, Италия, Канада, Кипр, Латвия, Литва, Люксембург, Мальта, Нидерланды, Норвегия, Польша, Португалия, Румыния, Словакия, Словения, Финляндия, Франция, Хорватия, Чехия, Швеция, Эстония .

Бұл елдерден ұшулар Федералдық әуе көлігі агенттігі немесе Ресей Сыртқы істер министрлігі берген арнайы рұқсатпен жүзеге асырылуы мүмкін.

Еске салайық, бұған дейін Еуропалық Одақ Ресей ұшақтарының бүкіл аумағында ұшуына толық тыйым салуды қамтитын жаңа санкциялар пакетін енгізген болатын. АҚШ шенеуніктерінің айтуынша, Ақ үй осыған ұқсас әрекетті қарастыруда, бірақ әлі түпкілікті шешім қабылдаған жоқ.