Әлеуметтік медициналық сақтандыру қоры тәуекелдерді басқару жүйесін енгізбек, оған сәйкес енді медициналық ұйымдар төмен, орташа немесе жоғары тәуекел аймақтарына бөлінеді. Бұл туралы әлеуметтік медициналық сақтандыру қоры басшысының орынбасары Индира Сәркенова мәлімдеді.

Дәлірек айтсақ, енді Қазақстандағы медициналық ұйымдар "қызыл", "сары" және "жасыл" аймақтарға бөлінеді.

"Жүйе 2025 жылдың қаңтарынан бастап күшіне енеді. Бұйрыққа қол қойылды. Егер медициналық ұйымға көп шағым түссе және бақылау кезінде ақаулар табылса, олар "қызыл" аймаққа түседі. "Қызыл" және "сары" аймақтарға жататын медициналық ұйымдардың жұмысы егжей-тегжейлі тексеріліп, шарттық міндеттемелердің орындалуына мониторинг жүргізілетін болады", – деді Саркенова.

"208 миллион теңгеге жалған медициналық қызмет көрсетілген": 2025 жылдан бастап ауруханаларда Face ID жүйесі іске қосылады
3 млрд теңге жетіспейді: Медициналық сақтандыру қоры комиссиялық мөлшерлемені арттырмақ

Егер ауруханада медициналық көмек көрсетуде мәселе болмаса автоматты түрде "жасыл" аймаққа түседі. Алайда әзірге қазақстандықтар белгілі бір медициналық ұйымның бұл рейтингін көре алмайды.

"Біз мұны келесі кезеңге айналдырып, рейтингті қордың веб-сайтында жариялағымыз келеді. Бірақ мұны медициналық ұйымдардың келісімімен ғана жасай аламыз. Әзірге бұл жоспарда да, бұйрықта да жоқ", – дейді Индира Саркенова.

Еске салсақ, бұған дейін 2025 жылдан бастап елімізде медициналық анықтамалар электронды нұсқада берілетіні туралы жазған едік.

Талқылау