Жұлдыз Әбдікәрімова отандық комедияда басты рөлді сомдамақ
Жұлдыз Әбдікәрімова кино алаңына оралды. Он жыл елден жасырынған актриса 2017 жылы "Арман/Когда ангелы спят" фильмінде басты рөлді сомдаған еді. Одан кейін театр қойылымында бағын сынап көрді. Енді Жұлдыз комедиялық фильмге түспек, деп хабарлайды Stan.kz ақпарат агенттігі.
Шығармашылығындағы қуанышты хабарды Жұлдыздың өзі жеткізді.
"Айтар жаңалығым өте көп. Соның бірі өзімнің ең үлкен жобамды аяқтай сап, жаңа киноға бір рөлді сомдауға келдім. Қалай ойлайсыз, бұл жолғы образым, рөлім қандай?" – деп бөлісті ол.
Белгілі болғандай, Жұлдыз басты рөлді сомдайтын фильм "Робот әйел" деп аталады. Кинокартинаны MANDARIN Pictures кинокомпаниясы түсірмек.
Жұлдыздан бөлек, фильмде Қуандық Шәкіржанов, Абунасыр Серіков сынды белгілі комедия майталмандары бой көрсетеді.
Атап өтерлік жайт, үлкен экрандардан көрерменге жол тартатын фильм Қазақстанмен бірге Өзбекстан елінде көрсетіледі екен.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр