Нұр-Сұлтанда ер адам өзіне көмектеспек болған жедел жәрдемдегілерді ұрып тастады
Нұр-Сұлтан қаласында мас күйінде жедел жәрдемге шабуыл жасаған ер адам қамауға алынды, деп хабарлайды Stan.kz ақпарат агенттігі қалалық денсаулық сақтау басқармасының баспасөз қызметіне сілтеме жасап.
Сурет: Виктор Федюнин
«21 тамыз күні сағат 03:20 кезінде жедел жәрдем бригадасы кезекті шақыруға бара жатып көше бойында жатқан ер адамды байқайды. Алайда ер адам өзіне көмек көрсетпек болған дәрігерлерге бас салған. Ашуға бой алдырып, жүргізушіні ұрып жібереді. Бұдан өзге дәрігерлер бригадасына шабуыл жасамақ болып, жедел жәрдем көлігін зақымдайды», - делінген хабарламада.
Полиция қызметкерлері шұғыл түрде 28 жастағы ер адамды Сарыарқа аудандық полиция бөліміне жеткізді. Медициналық сараптама нәтижесінде ер адамның сол сәтте мас болғаны анықталды. Бұзақылық дерегі бойынша сотқа дейінгі тергеу амалдары жүріп жатыр.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі