Жоғалып кеткен алматылық қыздың ағасы: Желіде сөйлескен жігіт қарындасыммен 3 сағат пәтер жалдаған

Алматыда 15 жасар қыз із-түссіз жоғалып кетті. Жақындары оқудан оралмаған Айгерімді он бір күнне бері іздеп жатыр. Отбасы аудандық полицейлерден қайыр болмаған соң, біздің арнадан көмек сұрады. Өйткені, бойжеткенді бейтаныс жігіттің жұлқылап алып қашқанын көрген куәгерлер бар екен.

Тек тоқтатуға қауқары болмапты. Оның үстіне, қазір алматылықтар былтыр жоғалып, екі айдан соң денесі табылған Назерке Әріптің оқиғасынан кейін шошып қалған. Рысбековтер әулетінің де шарқ ұрып іздеуі содан. Бұл туралы Еуразия бірінші арнасы хабарлайды.

Айгерімді соңғы рет көрген жеңгесі осы. 23 ақпан күні түскі сағат 2-лер шамасында дәріханаға дәріге шығыпты. Жанында бойы ұзын, қара-торы келген жігіт болғанын айтады. Қасына жақындай беріп едім, қолтықтап алып жұлқылай жөнелді дейді. Жолдан өтіп жылаған қайынсіңілісін тоқтатамын дегенінше, көзден ғайып болыпты. Енді куәгер ретінде полицейлерге түсінік берсем, басым бәлеге қалды деп қорқып отыр.

«Қанша тергеушілер ауысып жатыр. Бақтияр Ілтаймасов деген тергеді. Қайным екеуміз кірген едік. Қайнымды телефонға жұмсап жіберіп, маған қоқан-лоқы көрсетті. Артыңды ойладың ба, артыңда не тұрғанын білесің бе” деп” – Айгерім Рысбектің жеңгесі Мөлдір Қойманова.

Айгерім екі күн үйіне оралмаған соң Рысбековтер Жетісу ауданының полицейлеріне арыз түсіруге мәжбүр болдық дейді. Өйткені, Айгерімнің ВК контакті желісін бұзып ашқанында соңғы рет Назым есімді жігітпен кездесуі бар екенін біледі. Телефонын тауып хабарласқанында азамат оны мойындапты да. Тек таксиге отырғызып қайта жібердім деген. Бірақ, тергеушілер алдында жігіттің түсініктемелері табан асты қайта-қайта өзгеріп жатыр дейді отбасы.

«Не деп жатыр дегенімде, қызды жеке квартираға апардым, 3 сағаттай квартирада болдым деген жауабы. Ал ағасы органда істеймін деді. Аты жөнін таныстырмады. Менің ойымша, сол баланың қолында. Өткен аптада четверг күні шақырды тергеуге. Олар келмеді. Сол кезде тергеуші айтқан воскресеньеге дейін қыз табылады деп жұбатып жіберді” – Айгерім Рысбектің ағасы Жәнібек Әшімов.

Үмітінен күдігі басым отбасының Айгерім сүт кенжесі. Қаладағы колледждердің бірінші 1-кірс студенті екен. Полицейлерден хабар күтіп шаршаған анасы барлық туған туысымен 11 күннен бері өздері іздеп жүр. Бүгін де, аудандық бөлімшеге келіп, кіре алмай жүрегі қан жылады шешесінің.

«Бұл жерде қандай әділдік бар. Біз қайда тұрып жатырмыз? Айналайындар, қазағым-ау, біздің қыздар осылай жоғала береді ме? Кімнің көлеңкесінде кетіп жатыр? Менің қызым қайда?” – Айгерімнің анасы Нұрлыхан Рахимова.

Жетісу аудандық полицейлерінен қайыр болмаған соң Рысбековтер әулеті прокуратураға арыз түсірді. Ал, қалалық ішкі істер департаменті арыз түсті, іздестіріліп жатыр деп қысқа қайырды. Тек өзімен ертіп кеткен Назым есімді жігітті тұтқындауға еш негіз жоқ дейді. Сондықтан отбасы Айгерімді көрген қалың жұрттан хабар күтіп отыр.

Тағы да оқыңыз:

Оралда зираттан жаңа туған нәрестенің денесі табылды

Алматы облысының тұрғыны күйеуі 70 жасқа толғанда бесінші тоқал алып бермек

Назарбаев: Ел мен жердің иесі ретінде Қазақстанда бәріне қазақ жауапты

Талқылау
Пікір
Қазір оқып жатыр
Çàãðóçêà...
Қазір оқып жатыр