Жемқорлыққа қарсы күрес қызметі "Астана" футбол клубында тексеріс бастады
"Астана" футбол клубына қатысты жемқорлыққа қарсы күрес қызметінде тексеріс басталды. Бұл туралы "Ақтөбе" клубының бұрынғы спорт директоры Асхат Қалжанов өз Telegram арнасында мәлімдеді, деп хабарлайды Stan.kz ақпарат агенттігі sports.kz сайтына сілтеме жасап.
"Қолда бар ақпаратқа сәйкес Нұр-Сұлтан қаласы бойынша Жемқорлыққа қарсы күрес қызметінде "Астана" футбол клубына қатысты сотқа дейінгі тергеу басталды. Шенеуніктер 2018 және 2021 жылдар аралығында 370 миллион теңге жымқырды деп айыпталған. "Астана" клубындағы дереккөз ақпаратты растады. Қазір Михаил Гурман, Пол Эшуорт пен Давид Лория және бұл іске қатысы бар өзге де тұлғалар осы күдікпен тексеріске алынды", - делінген хабарламада.
Дегенмен жоғарыда аталған тұлғалардың ешқайсысы қазір "Астана" футбол клубында жұмыс істемейді.
Айта кетейік, "Астана" футбол клубы соңғы кездесуінде алматылық "Қайраттан" 2:1 есебімен жеңілген болатын. Осылайша "Астана" жалпы тізімде екінші орынға тұрақтады.
"Түрмеде отырған баламды тағы 9 жылға соттап жіберді": Түркістандық ата-ана баласына жазықсыз жала жабылғанын айтып, Тоқаевтан араша сұрады
Адвокат мән-жайды айтып берді
Жаңа үйленсе де өзге қыздарға жазады: Қазақстандық психолог неліктен ерлердің опасыздыққа баратынын айтты
Желі қолданушысы: "Бір ғана әйелмен ол қызықсыз. Басқасын да көргің келеді"