Елімізде жаңа оқу жылында мектеп формасына қойылатын талаптар өзгеріссіз қалады

Жаңа оқу жылындағы мектеп формасына байланысты қойылатын талаптар өзгеріссіз қалатыны белгілі болды. Енді ата-аналар балаларына дайындап, қойған немесе бұрын сатып алған формаларын кигізе алады, деп хабарлайды Stan.kz ақпарат агенттігі.

Кейбір ата-аналардан мектептердің форманың түс, дизайнына қатысты шешімді өндірушілердің айтуымен қаблдайтынына байланысты шағымдар түскен болатын. Мектепке дейінгі және орта білім комитеті осыған орай енді өңірлерде білім басқармалары ата-аналар қауымдастығы және қамқоршылық кеңестерімен келісе отырып, әр мектеп өз талаптарын қоймауы үшін өңірде бірыңғай түсті енгізуді, сол арқылы ата-аналардың таңдауына шектеу қою туралы шешім қабылданғанын айтты.

“Бұл ретте ата-аналардың назарын талаптардың өзгермегеніне аударғымыз келеді. Мысалы, егер оқушы мектепке сатып алынған немесе бұрын сол мектептің Қамқоршылық кеңесі бекіткен өзінде бар форманы киіп келе алады. Ата-аналардың өтініштерінен кейін бірнеше білім басқармасы қамқоршылық кеңестермен бірлесіп, облыс бойынша мектеп формасының біркелкі түсін белгілеуге шешім қабылдады. Барлығы қою көк түсті таңдады. Бірақ бұл балаларды шектемейді, яғни олар бұрыннан бар мектеп формасымен келе алады.

• Қазақстанда тұрмысы төмен отбасыдан шыққан оқушыларға берілетін көмек сомасы ұлғайтылады

• "Оқу жабдығына 400 мың теңге керек": Түркістан облысында ата-аналар тегін мектеп формасының берілмейтініне наразы

• "Киімдердің өлшемі үлкен, сапасы төмен": Алматы облысында ата-аналар әкімдік беретін мектеп формасын алудан бас тартты

Облыс бойынша мектеп формасының бірыңғай түсін белгілеу қолжетімді форманы (нарықта немесе дүкенде) сатып алуға мүмкіндік береді. Сондай-ақ оқу жылына дейін атаулы әлеуметтік көмек алатын немесе жан басына шаққандағы орташа табысы ең төменгі күнкөріс деңгейінен төмен, жетім және ата-анасының қамқорлығынсыз қалған, төтенше жағдайға тап болған отбасылардан шыққан 418 мың балаға көмек көрсетілетінін атап өтемін. Оларға мектеп формасы мен кеңсе тауарларын сатып алу үшін "Жалпыға міндетті білім беру" қорынан қолдау көрсетіледі", - деді Мектепке дейінгі және орта білім комитетінің төрағасы Гүлмира Кәрімова.

Бұған дейін Оқу-ағарту министрі Асхат Аймағамбетов оқушылардың мектеп формасына айтарлықтай өзгеріс енгізілмейтінін мәлімдеген болатын.