"Жаңа құрбан": Бірге суретке түскен Дәурен Айдарқұлов пен Бибігүл Ақтан қызу талқыға түсті
Әзілкеш, актер, бұрынғы КВН-ші Дәурен Айдарқұлов Бибігүл Ақтанмен түскен суретін жариялады. Сол-ақ екен фото желіде кең тарап, қызу талқыға түсті. Актердің әр қадамын аңдып отырған желі қолданушылары түрлі пікір жазысты.
Айдарқұлов екінші жары Ақботамен ресми түрде ажырасып кеткен еді. Дәурен Ақботаны қимайтынын айтқанымен үшінші рет үйленуге дайын. Үшінші кезекте иманды, намаз оқитын, оранған қыз кездессе екен деп тіледі.
Айдарқұлов желіде актриса Бибігүл Ақтанмен бірге түскен суретін жариялады.
"Жедел жәрдем", - деп жазды Дәурен сурет анықтамасында.
Актердің әр қадамын аңдып отырған желі қолданушылары түрлі пікір жазысты. Бірі оны кездесіп жүрген қызы десе, енді бірі жай ғана әріптестік қатынас деп болжады.
- Дәурен Айдарқұлов: Мені жындар әлемі қызықтыра бастады, жындарды зерттеген соң намаз оқыдым
- Дәурен Айдарқұлов: Намаз оқитын, оранған қыз кездессе екен деп Алладан тілеп жүрмін
"Жаңа әйелің бе?", "Үшінші рет те үйленсе таңғалмаймыз", "Актриса ғой, қандай әйел", "Әріптесімен суретке түсуге болатын шығар", - деп жазды олар.
Айдарқұловпен суретке түскен Бибігүл Ақтанқызы көп фильмдерде роль сомдаған актриса. Көпшілік болжағандай емес, отбасылы әйел. Ең алғаш "Астана – махаббатым менің" фильміне түскен.
Кино әлемінен бөлек кәсіби модель. 7 жасынан бастап модель болып жұмыс істеген. 2006 жылы модель ретінде Сингапурға, ал содан кейін Таиландқа шақырту алды. 2013 жылдан бері Иван Бурмистровпен некеде.