Жамбыл облысында ұрылар дәмхананың жабдықтарын талан-таражға салған
Жамбыл облысында ұрылар жол бойында орналасқан дәмхананың жиһаздары мен басқа да қажетті заттарын талан-таражға салған. Аймақтағы дүрбелеңді пайдаланған олар азық-түлік пен бағалы заттарды қолды еткен, деп хабарлайды Stan.kz ақпарат агенттігі КТК арнасына сілтеме жасап.
Кешеннің иелері жоғалған заттардың құнын есептеуге кірісіпті. Олардың сөздерінше, ұрлаған жиһаздар мен техниканы қайта орнына қою мүмкін емес.
“Бұл біздің бизнестің екінші бөлігі еді. Міне, түгі қалмай бұзылыпты. Жарылыс қатты болды. Төбесі құлайын деп тұр”, – дейді облыс тұрғыны Жанна Назарбекова.
Айта кетсек, бір күнде Таразға үш ауылдың 600-ден астам тұрғыны көшірілген.
“Үстіміздегі бар киіммен қаша жөнелдік. Алғашында жер сілкініп жатыр екен деп ойладым. Әскери бөлімде жарылыс болады деген ой үш ұйықтасам, түсіме кірмепті”, – дейді ауыл тұрғыны Бейсен Жүзгенбаев.
Айта кетсек, Жамбыл облысындағы жарылыстан зардап шеккендердің саны 100-ге жуықтағы. Апаттың себебінен 12 адам көз жұмды.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"