Жамбыл облысында COVID-19 вирусын жұқтырған дәрігердің хабарламасынан кейін бас дәрігер мен әкімнің орынбасары жазаланды
Жамбыл облысының бас дәрігері мен әкімнің орынбасары COVID -19 жұқтырған дәрігер Толқынай Ордабаеваның әлеуметтік желіде жазған хабарламасынан кейін жазаланды, деп хабарлайды Stan.kz ақпарат агенттігі "Нұр Отанның" баспасөз қызметіне сілтеме жасап.
Толқынай Ордабаева
Әлеуметтік желілердегі өтініштерге мониторинг жүргізу барысында келесі факт анықталды. Жұқпалы ауру дәрігері Толқынай Ордабаева өзінің парақшасында Жамбыл облысы Меркен орталық аудандық ауруханасының басшылығы жіберген заң бұзушылықтар туралы хабарлама жазды.
"Осы басылымға сәйкес партиялық бақылау комиссиясы тексеру жүргізді, көрсетілген фактілер расталды. Меркен орталық аудандық ауруханасының әкімшілігі медициналық қызметкерлерді қызметтік міндеттеріне кірмейтін жұмыс жасатқызып, бетперделерді тігуге мәжбүр етті. Сондай-ақ, жұмыста маскалар мен қорғаныс құралдары берілмеген. Осыған байланысты аудандық аурухананың бас дәрігерінің міндетін атқарушы Данияр Нүсіпбеков пен аудан әкімінің денсаулық сақтау саласындағы орынбасары Марат Қасым партиялық жауапкершілікке тартылады", - делінген хабарламада.
Аудан әкімшілігі мен облыстық денсаулық сақтау басқармасына осындай заң бұзушылықтардың алдын алуды жалғастырып, міндеттерін тиісті деңгейде орындауды тапсырды.