Семейде автобус жүргізушілері ереуілге шықты
Семейде автобус жүргізушілері жұмысқа шықпады. Олар жалақының төленбегеніне шағымданды. Semey Bus автопаркінің жүргізушілерімен қала әкімі Ермак Сәлімов кездесті, деп хабарлайды Stan.kz ақпарат агенттігі.
Семей қаласы әкімдігінің хабарлауынша, еңбек инспекциясы автопаркке автобус жүргізушілеріне жалақы бойынша қарызды өтеу қажеті туралы бірнеше рет ескерткен.
"Жұмыс берушінің берешекті өтеу туралы кезекті есебі бүгін, 15 желтоқсанда, әлеуметтік әріптестік жөніндегі үшжақты комиссия аясында өтуі тиіс еді. Жұмыс берушіге еңбек инспекциясы қарызды төлеу қажеті туралы бірнеше рет ескерткен", - делінген хабарламада.
Қазіргі уақытта кездесу өтіп жатқаны белгілі. Әкімдік оның қорытындысы туралы қосымша хабарлайтынын мәлімдеді.
Түркістан облысында әскерге кеткен сарбаз мүгедек болып оралды
Жігіттің туғаннан жамбасында ұршық болмағанына қарамастан, әскерге баруға жарамды деп тапқан
Алма-Арасан тау бөктеріндегі жабық аумақ: Алма бағының ортасында кімдер коттедж салып жатыр?
Алма бақтарының арасында соңғы жылдары бірнеше ірі коттедж пайда болған