Жәкішевті босату үкімі жарияланған кездегі залдың реакциясы (видео)
Семей қаласының сотында "Қазатомөнеркәсіп" АҚ-ның бұрынғы басшысы Мұхтар Жәкішевті босату туралы сот үкімі жарияланған кезде залдың реакциясы өте көңілді болды. Залда жиналғандар жаңалықты айқай-шумен, қуанышпен қабыл алды деп хабарлайды Stan.kz ақпарат агенттігі.
Жәкішевті босату жайлы үкім хабарланғандағы залда отырған адамдардың реакциясы, оның бостандығы үшін күрескен әрбір белсендінің қуанышының айқын көрінісі болды.
Мұхтар Жәкішев сыбайлас жемқорлық айыбы бойынша 2009 жылдан бері 14 жыл түрмеде отырып, 3 наурыз күні өткен сотта оның мерзімінен бұрын босату жайлы өтінішін қанағаттандырған еді.
Естеріңізге сала кетейік, бұған дейін 2018 жылдың қараша айында Жәкішев Семей қаласының №2 сотына шартты түрде мерзімінен бұрын босату туралы өтінішпен жүгінді. Сот бұл сұранысты қанағаттандырудан бас тартты, өйткені ол келтірген залалдың жалпы сомасын - 99,6 миллиард теңге төлемеген. 2019 жылдың 24 шілдесінде сот тағы да шартты түрде мерзімінен бұрын босатудан бас тартты. Ақпан айында Жәкішев үшінші рет Семей қаласының сотына шартты түрде мерзімінен бұрын шартты түрде босату туралы өтініш берген еді.