Зейнеткер анасын аяусыз ұрған: Прокурорлар оқиғаның анық-қанығын айтып берді
Алматы қаласының прокуратурасы егде жастағы анасын ұрған ер адамның оқиғасына қатысты пікір білдірді , деп хабарлайды Stan.kz ақпарат агенттігі.
Прокуратура мәліметінше, ер адам жәбірленушінің ұлы екен. Жанжал қайын енесінің келініне дөрекі сөйлеуінен туындаған.
"Әйелін жақтаған ер адам анасына түрлі дене жарақаттарын келтірген. Алатау аудандық прокуратурасының нұсқауымен 49 жастағы күдікті ұсталды", – деді Алатау ауданының прокуроры өз Facebook парақшасында.
Ер адам егде зейнеткерге бұзақылық ниетпен денсаулығына қасақана (ауырлығы орташа) зиян келтірді деген күдікке ілінді. Прокурорлар тергеушінің өтінішін қолдап, сот санкциясымен ер адам екі айға қамауға алынды.
Айта кетейік, бұған дейін Алматыда өз анасын таяқпен тоқпақтаған ер адамның ұсталғаны туралы хабарлаған едік.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі