“800 мыңның орнына 14 мың теңге қайтарған”: Жетісу облысында әуе билеттеріне қатысты дау туындады
Жетісу облысының тұрғындары 765 248 теңгеге әуе билетін сатып алып, билетті қайтарған кезде небәрі 14 840 теңге өтемақы алған. Олар бұл жағдайға шағымданды. Департаменттің араласуынан кейін әуе билеттеріне төленген сомма толығымен қайтарылды. Бұл туралы Stan.kz ақпарат агенттігі хабарлайды.
Жетісу облысының тұрғындары Астана бағыты бойынша алдын ала 16 әуе билетін сатып алған. Сатып алудың жалпы құны 765 248 теңгені, ал бір билеттің бағасы 47 828 теңгені құрады. Сапар алдын ала жоспарланғанымен, біраз уақыттан кейін жағдай өзгеріп, жолаушылар ұшудан бас тартуға мәжбүр болған.
Ұшу күніне дейін әлі ұзақ уақыт болғандықтан, тұтынушылар билеттерді қайтаруды жоспарланған сапардан бір ай бұрын рәсімдеген. Азаматтар қаражат толық көлемде немесе әуе тасымалы шарттарында көзделген ең аз ұсталымдармен қайтарылады деп үміттенген.
ОқыңызАлайда қайтару рәсімделгеннен кейін жағдай күтпеген бағыт алды. Бастапқыда толық соманың орнына тұтынушыларға небәрі 14 840 теңге қайтарылды, бұл өтініш берушілердің ұсталған қаражаттың заңдылығына негізді күмән келтіруіне себеп болды.
Мұндай шарттармен келіспеген Жетісу тұрғындары өз құқықтарын қорғау үшін Жетісу облысы бойынша сауда және тұтынушылардың құқықтарын қорғау департаментіне жүгінді.
“Департамент істің мән-жайын мұқият зерттеп, өтініш берушілерге тұтынушылардың құқықтарын қорғау туралы заңнама нормаларын түсіндірді, сондай-ақ қажетті құқықтық көмек көрсетті. Өтінішті қарау барысында тұтынушыларға сатушы компания мен әуе тасымалдаушысының атына ақшалай қаражатты толық көлемде қайтару туралы талаппен сотқа дейінгі шағым дайындауға жәрдем көрсетілді. Департаменттің араласуынан кейін дау қысқа мерзімде шешілді. Нәтижесінде тұтынушыларға 765 248 теңге толық көлемде қайтарылды”, – делінген хабарламада.
Департамент өкілдері мұндай жағдайлардың жиі кездесетінін атап өтті. Тұтынушылар әуе билеттерін қайтарудың ашық емес шарттарына, қызмет көрсетушілермен байланыс орнатудағы қиындықтарға және қаражатты қайтару мерзімдерінің кешіктірілуіне тап болады.
Дегенмен тәжірибе көрсеткендей, сауатты құқықтық ұстаным мен уақтылы жүгіну бұзылған құқықтарды тиімді қорғауға мүмкіндік береді.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
