"Ұятсыз әйел – тұзсыз ас": "Меломен" тобының әншісі Ғабит Бибасыұлы жазбасымен елді ойландырып қойды

Қоғамда әйеліне қол көтеріп ажырасып кеткен “Меломен” тобының әншісінің өмірі қызу талқыланып жатыр. Бұл туралы Stan.kz ақпарат агенттігі хабарлайды. 

Фото: https://www.instagram.com/gabit.bibasyuly/

Өнер иесінің экс әйелі бұрынғы күйеуінің екі жылдың ішінде бірінші рет алимент төлегенін айтқан еді. Блогер келіншектің жазбасынан кейін, әнші жеке парақшасының сторис бөліміне ойландыратын жазба қалдырды. 

“Ұятсыз әйел – тұзсыз ас секілді”. Жақсы мақал екен”, – деп жазды Ғабит Бибасыұлы. 

• "Ғабитке "Хабиб" деп әзілдейтін": Нұрилла Ақберен "хайпер" деп айыптаған "Меломен" тобының жігіттеріне жауап берді

• "Мұрнымнан аққан қанды баскиіммен сүрттім": “Меломен” әншісінің бұрынғы әйелі соққыға жығылған сәтінен видео жариялады 

Желі қолданушылары жасап жүрген іс-әрекеті еркектікке жатпайтынын жарыса жазып жатыр. Араларында әншінің су жаңа әнін де сынап жатқандар табылды. 

“1045 ән арнап ақталсаң да, әйеліңді ұрғаның рас”, “Жақтап өліп жатқандар тиіп алыңдар, басы бос”, “Әйел – Алланың аманаты. Қандай жағдай болмасын әйелін ұрған еркек – тікелей Аллаға қарсы шыққаны”, “Әндерінің бәріне байкот жариялау керек”, “Бала-шағасына көмек бере алмайтын еркек екенсің”, – деп жазып жатыр оқырман қауым. 

Еске салайық, өнер иесі бұрынғы әйелінің есепшотына 130 мың теңге алимент аударған еді.