Ұша алмай қалған: Жамбыл облысында сирек кездесетін бірқазан құтқарылды
Жамбыл облысында полицейлер Қызыл кітапқа енгізілген, сирек кездесетін бірқазан құсын құтқарды, деп хабарлайды Stan.kz ақпарат агенттігі облыстық полиция департаментінің баспасөз қызметіне сілтеме жасап.
Жуалы ауданына қарасты Диқан ауылының маңында қызыл кітапқа енгізілген құстың ұшып кете алмай тұрғанын ауыл тұрғындары байқап қалған. Олар полицияға хабар берген.
Аталған жерге келген полиция қызметкерлері жыра бойынан өте әлсіз және өздігінен ұшып кете алмайтын дәрменсіз бірқазанды көрген. Бірқазан жойылып бара жатқан құс ретінде Қызыл кітапқа енгізілгені белгілі.
"Жуалы ауданының орман және жануарлар дүниесін қорғау мекемесінен шақырылған мамандардың келуін күткен полиция қызметкерлері сирек кездесетін құсты аңдыған иттерден қорғаған. Құтқарылған құс жуық арада Шымкент қаласының хайуанаттар бағына жіберіледі", - делінген хабарламада.
Талқылау
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр
"Қысқа мерзімді жеңілдіктер ұзақ мерзімді дағдарысқа ұласуы мүмкін": Сарапшылар Қазақстанда шұғыл енгізілетін шараларға қатысты пікір білдірді
Оның айтуынша, жаңа салық кодексінде әзірге айтарлықтай өзгеріс жоқ