Ұлттық киімде темір бағанада билеген қазақстандық ару сынның астына қалды
Пилондық спорттан Қазақстан чемпионы Бақыт Қадырова қазақтың ұлттық киімімен шеберлігін көрсеткені үшін сынның астына қалды. Бұл туралы Stan.kz ақпарат агенттігі хабарлайды.
Фото: видео кадрларынан скрин
Пилондық жаттығулар ресми спорт түрі болса да (белгілі бір акробатикалық трюктар мен жаттығулар), көпшілік мұны шестегі бимен (бағанадағы би) шатастырып жатыр.
Сол себепті көпшілік спортшыны "дәстүрді құрметтемеді" деп айыптап, мұндай билерді дұрыс емес екенін жеткізді. Бақыт Қадырованың бұл әрекетіне мәжіліс депутаты Дәулет Мұқаев та теріс баға берді.
Қыз жауап ретінде мұның қорлау емес екенін айтып, ресми спортпен айналысатынын еске салды.
"Мен күшті әйелдердің сұлулығы мен шеберлігін насихаттаймын. Дәстүр мен сөз бостандығын біріктіретін жаңа ұрпақты көрсетемін", – деді Қадырова.
Талқылау