Ұлттық экономика министрі қазақстандықтарды ақшаны үнемдеуге шақырды
Ұлттық экономика министрі Әлібек Қуантыров қазақстандықтарға ақшаны үнемдеп, шығындарды азайтуға кеңес берді. Оның айтуынша, халықтың қалтасын қағып жатқан қымбатшылыққа екі жылға жалғасқан пандемия мен әлемдегі геосаяси жағдайдың күрделенуі себеп. Соның кесірінен инфляция өсіп, халық жалақысының тең жартысын азық-түлікке жұмсауға мәжбүр, деп хабарлайды Stan.kz ақпарат агенттігі 31-арнаның “Информбюро” бғдарламасына сілтеме жасап.
Қымбатшылық тек Қазақстанда ғана емес, әлемді жайлады деген министр елді үнемдеп үйренуге шақырды. Сонымен қатар нарық реттелгенше, сабырмен күтуге кеңес берді.
"Мүмкіндігінше бюджетті оңтайландырып, артық шығындарды азайтқан жөн. Мұндай инфляция 2015-2016 жылдары да болған. Бұл жолы да уақытша құбылыс деп ойлаймын. Соңғы екі-үш аймен салыстырғанда, нарық тұрақтана бастады. Сол себепті аз уақыт күте тұру қажет", – деді Ұлттық экономика министрі Әлібек Қуантыров.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"