Соңғы жаңалықтар
Соңғы жаңалықтар

Ұлының қамы үшін: Өз өлімін ұйымдастырған заңгер сотқа тартылды

АҚШ-тың Оңтүстік Каролина штатының тұрғыны өз өлімін ұйымдастырғаны үшін сотталды, деп хабарлайды Stan.kz ақпарат агенттігі LADbible сайтына сілтеме жасап.

америка

Тергеу мәліметтері бойынша, адвокат Алекс Мердо жолда "әдейі бұзып қойған" көлігінің жанында өзін атуы үшін, жалдамалы кісі өлтірушіні жалдаған. Мердо мұндай әрекетке өзінің ұлы үшін барған. Егер азаматтың ойы іске асқанда оның ұлы 10 миллион доллар мөлшерінде сақтандыру ақысын алатын еді.

2021 жылы 4 қыркүйекте, наркологиялық диспансерден шыққаннан екі күн өткен соң, Мердо ауруханаға "үстіңгі оқ жарақаттарымен" түседі. Кейінірек адвокаттың бұрынғы клиенті Кертис Эдвард Смит қамауға алынды, ол басқалармен қатар өзіне қол жұмсауға көмектескені және алаяқтық сақтандыру жасағаны үшін айыпталды.

Мәлім болғандай, Мердо 20 жыл бойы нашақорлықтан зардап шеккен және 2021 жылдың жазында оның әйелі мен үлкен ұлы өлтірілген. Ер адамның адвокаттары оның өзін-өзі өлтіруді "шығудың жалғыз жолы" және ұлына қамқорлық жасау әдісі деп санағанын алға тартады. Алайда олар сақтандыру келісімшартында "суицид туралы" тармақ бар екеніне сенімді.

Кертис Эдвард Смит жауап алу кезінде Мердо оған қаруды өзі бергенін, сонымен қатар істің мақсаты ұлының сақтандыру ақысын алу екенін айтқан.

Бұдан бөлек, New York Post хабарлағандай, Алекс Мердо Оңтүстік Каролинада тағы екі тергеу жұмыстарына қатысы бар. Бірінші жағдайда, ол бұрын жұмыс істеген адвокаттық кеңседен ірі соманы жымқырды деп айыпталуда. Екінші оқиға 2018 жылы "күзде абайсыз апаттан" қайтыс болды делінген Мердо отбасының 57 жастағы үй қызметшісінің өліміне қатысты, бірақ оқиғаның нақты мәліметтері әлі күнге дейін белгісіз.

Өңір полициясы қазір Мердо тергеумен белсенді ынтымақтастықта екенін жеткізді. 

Талқылау