Сондай-ақ тергеу аясында "Яндекс такси" монополияға қарсы органға ақпарат бермегені үшін әкімшілік жауапкершілікке тартылды. Яндекс Такси Қазақстанның цифрлық экожүйесін қолдаудың мемлекеттік қорына өз еркімен 3 миллиард теңге аударды.

Сонымен қатар агенттік келесі шаралар кешенін жүзеге асыруды көздейтін Яндекс Таксидің монополияға қарсы сәйкестігі туралы келісімге келді:

біріншіден, жүргізушілер үшін еңбекақыны арттыру шартының бірі ретінде, егер тапсырыс жол жүру ақысының базалық құнынан екі есе асатын болса, осы жылдың 14 желтоқсанынан бастап, Яндекс комиссиясын өндіріп алуды тоқтататын болды (экономикалық әсері жылына шамамен 2 миллиард теңгеге);
жүргізушілер үшін қосымша бонустық бағдарламаны енгізу (саланың айналымы мен инфляцияның өсуіне байланысты 2024 жылы 7-10 миллиард теңге);
тарифтерді қалыптастырудың ашықтығын арттыру үшін пайдаланушының қосымшасын жетілдіру, оның өсуінің негіздемесін және өзгерістерді болжау;
екіншіден, жолаушылар үшін жаңартылған "Бірге" тарифі енгізіледі, ол сұраныс шыңында да арзанырақ таксиге тапсырыс беруге мүмкіндік береді (тарифті x2-ге дейін көтеруге шектеулер);
агрегатор такси қызметіне максималды сұраныс жағдайында, мысалы, қолайсыз ауа-райы немесе мереке күндерінде тарифті x3-тен жоғары көтеруге шектеулер енгізеді - тоқсанына аталмыш деңгейден жоғары сапарлардың саны 5% - дан аспайтын болады;
баламен жүретін жолаушылар үшін "балалар" тарифі енгізіледі, ол балалар креслолары немесе бустері бар автокөлікті шақыруға мүмкіндік береді.

Фото: gov.kz

Такси жүргізушілерімен тиімді қарым-қатынас жасау және клиенттермен байланысты сақтау үшін Call-орталығы "тікелей" оператормен жұмыс істейді.

Сонымен қатар жолаушылар мен жүргізушілердің мүдделерінің тепе-теңдігін қамтамасыз ету үшін келесі жүйелі шаралар қабылданды:

Агенттік заңнамаға өзгертулер енгізу туралы бастама көтерді, оларды енгізу жүргізушілер такси компанияларынсыз Яндекспен тікелей жұмыс істеуге мүмкіндік береді (такси компанияларының комиссиясы 4-8%);
Яндекс бағдарламалық қамтамасыз етуді, сондай-ақ баға белгілеуге әсер ететін факторларды (ауа райы жағдайлары, мереке күндері, сұраныстың артуы, жүргізушілердің болмауы және т.б.) егжей-тегжейлі зерделеу үшін IT саласындағы тәуелсіз аудиторлық компания Агенттікпен, Цифрлық даму және аэроғарыш өнеркәсібі министрлігімен бірлесіп алгоритмдік баға белгілеу аудитін жүргізеді.

Фото: gov.kz

Яндекстің монополияға қарсы заңнама бойынша өз міндеттемелерін орындауын агенттік жанындағы арнайы мониторингтік топ қадағалайтын болады. Оның құрамына кәсіби қоғамдастықтардың сарапшылары (бастамалық топтардың, Көлік, Еңбек және халықты әлеуметтік қорғау, Әділет, Цифрлық даму және инновациялар министрліктерінің, сондай-ақ такси саласы қауымдастығының өкілдері) кіреді. Бұл туындайтын мәселелерді дер кезінде қарастыруға мүмкіндік береді.

Алдағы уақытта бәсекелестік заңнамасын бұзу фактілері анықталған жағдайда агенттік заңнамада белгіленген тиісті шараларды қолданады. Комплаенспен толығырақ мына жерден танысуға болады.

Талқылау