Жылдамдық, тактика және биік тұғыр үшін күрес: Changan Race Almaty веложарысы қалай өтті

6 қыркүйекте Сокол автодромында Changan Race Almaty веложарысы өтті. Жарысқа Қазақстан, Әзербайжан, Ұлыбритания, Испания, Қырғызстан, Литва және Ресей спортшылары қатысты. Іс-шараға олардың отбасылары мен жанкүйерлерін қоса алғанда, шамамен 300 адам жиналды.

Жарыстың бас демеушісі – Astana Motors құрамындағы Changan Kazakhstan компаниясы.

Қатысушылар үш санатта жарысты: Women, Open Men және Elite Men. Ең көп қатысушы Open Men санатында болды – 126 адам. Әйелдер санатында 17 спортшы, элиталы ерлер санатында 24 шабандоз сөреге шықты.

Жарыс екі кезеңнен тұрды. Алдымен велосипедшілер 9 шақырымдық жеке жарысты еңсерді. Жарыс үздіктері сары майка киіп, екінші кезеңде санатқа бөлініп, 32, 45 немесе 72 шақырым бойынша топтық жарысқа шықты.

Жүргізуші Руслан Райымқұлов старт алдында қатысушыларды таныстырып, олар туралы қызықты деректермен бөлісті. Трассаға тек тәжірибелі спортшылар ғана емес, кәсіпкерлер, дәрігерлер, IT-мамандар, қаржыгерлер мен оқытушылар да шықты.

Жеке жарыста қатысушылар әр секунд үшін күрессе, топтық жарыста тактика, пелотонмен жұмыс және шабуыл жасау сәтін дұрыс таңдауға ден қойды. 

Ең қызу күрес Elite Men санатында өрбіді. Ұйымдастырушылар топтық жарыстың финишіндегі алғашқы үш орынға бонус секундтар қарастырған еді. Нәтижесінде дәл осы секундтар жалпы есептегі орындарды анықтады. Сергей Лущенко мен Ислам Усманов есеп арасын төрт бонус секунд бөлді. Оларды есепке алғаннан кейін Усманов үшінші орынға көтерілді.

Elite Men бойынша абсолютті есепте Максим Рыбаков жеңімпаз атанды. Күміс жүлдені Евгений Сладков, ал қоланы Ислам Усманов алды. Соңғы екеуі үшін Алматы жарыстары бұрын да табысты болған. 2025 жылы Сладков Giro d’Almaty абсолюттік есебінде жеңіске жетсе, Усманов 18-29 жас санатында жеңімпаз атанған.

Жарысты тікелей трассада Changan Kazakhstan директоры Денис Коломацкий бақылап отырды. Ол өзі де велоспортпен айналысады және бұған дейін веложарыстарға қатысқан.

"Astana Motors пен Changan үшін тірі спорт қауымдастығының бір бөлігі болып, адамдарды қозғалыс пен салауатты өмір салты төңірегінде біріктіретін жобаларды қолдау маңызды. Велоспорт жанкүйері ретінде мен қатысушылардың эмоциясын және трассадағы күрес деңгейін жақсы түсінемін. Биылғы жарыс ерекше шиеленісті болды, ал көшбасшылар арасындағы айырмашылық әр секундпен өлшенді. Дәл осындай сәттер спорттың нағыз драматургиясын жасайды", – деді ол.

Әйелдер арасындағы абсолютті есепте бірінші орынды Анастасия Волчанская алды. Екінші болып Лениза Валиева, үшінші болып Дана Сақабаева мәреге жетті. Волчанская да 2025 жылы Giro d’Almaty абсолюттік есебінде жеңімпаз болды.

Women 18-29 жас санатында Эльвира Тахаутова жеңімпаз атанды, күміс жүлдені Ақберен Көптілеу, қоланы – Ақниет Нұрбек алды. 30-39 жас тобында Таншолпан Тілеубаева бірінші болып топ жарды. 40-49 жас тобында Сара Браун жеңіске жетті, екінші орынды Нұрия Нұрбакимова иеленді.

Open Men санатында абсолютті жеңімпаз Владимир Ветров болды. Екінші орынды Эдуард Тен, ал үшінші орынды Артемий Кузнецов алды.

18-29 жас санатында үштікті Дінмұхамед Абдрахманов, Дмитрий Макаревич және Дархан Естеуов құрады. 30-39 жас шабандоздары арасында Даулет Ибрагимов жеңіске жетті. Екінші орынды Роман Корнилов, үшінші орынды Олег Маркитанчик иеленді. 40-49 жас тобында жүлделі орындарды Денис Черных, Айдос Құшуев және Тимур Муртазин алды.

50-59 жас қатысушылары арасында Денис Васильев жеңімпаз атанды. Күміс жүлдені Владимир Коротков, қоланы С.Ж. Асфендияров атындағы Қазақ ұлттық медицина университетінің ректоры Марат Шоранов жеңіп алды.

60-69 жас санатында бірінші орынды Қырғызстаннан келген Игорь Филин, екінші орынды Алексей Абраменко, үшінші орынды белгілі қазақстандық мүсінші Нұрлан Далбай иеленді.

Төрешілер трасса бойымен Changan көліктерімен, атап айтқанда EADO Plus, үшінші буындағы UNI-V және төртінші буындағы CS75 Plus модельдерімен қозғалып отырды. Автокөліктің бірінде жарыстың барысын Денис Коломацкийдің өзі бақылады.

Жарыс жеңімпаздар мен жүлдегерлерді марапаттау рәсімімен аяқталды. Changan Kazakhstan дистрибуциясының директоры Денис Коломацкий 2027 жылы өтетін Changan Race Almaty бұдан ауқымды болатынына сенім білдірді.