Үсік жүреді: Қазақстанда алдағы күндері күн суытады

Қазақстанда күздің басталуымен күн салқындай бастайды. Республикада температураның төмендеуі күтіледі, деп хабарлайды Stan.kzақпарат агенттігі «Қазгидрометке» сілтеме жасап.

«Қазақстанның солтүстігінде жаңбыр жауып, салқын ауа райын әкелген циклон алдағы үш күнде (3-5 қыркүйек) республиканың батыс, солтүстік және орталық облыстарына әсер етеді. Циклонмен байланысты салқын атмосфералық фронттар оңтүстіктен өтеді, содан кейін оңтүстік-шығыс және шығыс аймақтарға жетеді», - дейді мамандар.

Циклон мен фронттардың өтуімен республикада күн күркіреп, жаңбыр жауады. Оңтүстік аймақтарда температура төмендейді, солтүстік жартысында климаттық нормадан 3-6 градус төмен болады. Қазақстанның батысында, солтүстігінде және орталығында, кейбір аудандарда, түнде ауа температурасы 1-3 градусқа дейін үсік болуы мүмкін.