Универсиада-2025. Биатлоншы Кирилл Бауэр қола медаль жеңді
XXXll қысқы Универсиада ойындарында Қазақстан құрамасы тағы бір медаль жеңіп алды. Бұл туралы Stan.kz ақпарат агенттігі хабарлайды.
Фото: пресс-служба Казахстанской федерации биатлона
Бүгінгі жарыс жолына шыққан спортшылар ішінде биатлоншы Кирилл Бауэр қолаға қол жеткізді. Масс-стартта ол керемет нәтиже көрсетіп, француз биатлоншысы Натанэль Пигвиннен 33,8 секундқа қалып, үшінші орынға ие болды. 4 ату тапсырмасында Кирилл тек 4 рет қателесіп, жүлдегерлер қатарына қосылды.
Бұған дейін, Туринде өтіп жатқан қысқы Универсиада ойындарында биатлоншылардан Никита Акимов алтын медаль жеңіп алса, Арина Крюкова қола жүлде иеленген болатын. Айта кетейік, бұл Кирилл Бауэрдің халықаралық жарыстардағы алғашқы медалі.
Бәсекеге қатысқан басқа да қазақстандық спортшылар жүлдегерлер қатарына кіре алмады. Жарысты Вадим Куралес 6-шы, Никита Акимов 7-ші және Қуандық Ержанат 19-орынмен аяқтады.
