Үкімет басындағылар мен мәжіліс төрағасы Жеңіс күніне орай батырлардың ескерткішіне гүл шоқтарын қойды

Фото: Ақорда

Мемлекеттік кеңесші Ерлан Қарин, премьер-министр Олжас Бектенов, президент әкімшілігінің басшысы Айбек Дәдебай және мәжіліс төрағасы Ерлан Қошанов Жеңістің 80 жылдығына орай еліміздің батырларын еске алды. 

Ұлы Жеңістің 80 жылдығына орай Ерлан Қарин Кеңес Одағының Батыры Әлия Молдағұлованың ескерткішіне гүл шоқтарын қойды. Шараға ұлттық құрылтай мен Жастар саясаты кеңесінің мүшелері де қатысты.

Фото: Ақорда

Биыл Қазақстанда Әлия Молдағұлованың туғанына 100 жыл толады. Салтанатты шара барысында Ерлан Қарин мемлекет басшысының тапсырмасымен есте қаларлық оқиғаға орай бірқатар іс-шаралар өткізілетінін атап өтті.

Олжас Бектенов атақты шабуылдаушы ұшқыш, авиация генерал-майоры, Кеңес Одағының екі мәрте Батыры Талғат Бегелдиновтің ескерткішіне гүл шоқтарын қою рәсіміне қатысты.

Фото: Ақорда

Президент әкімшілігінің басшысы Айбек Дәдебай Рейхстагқа Жеңіс туын желбіреткен қазақ халқының біртуар перзенті Рақымжан Қошқарбаевтың "Халық қаһарманы" ескерткішіне гүл шоқтарын қойды.

Фото: Ақорда

Мәжіліс төрағасы Ерлан Қошанов Ұлы Отан соғысындағы Жеңістің 80 жылдығына орай Бауыржан Момышұлының ескерткішіне гүл шоқтарын ұсынды.

Фото: Ақорда

Ескерткіш орнатуға Бауыржан Момышұлы даңғылындағы ескерткішке жиналған парламенттік фракциялардың, ардагерлер ұйымдарының өкілдері, жұртшылық қатысты. Қаза тапқан батырларды бір минут үнсіздікпен еске алды.