UFC-ге жолдама беретін турнирде жұдырықтасқан этникалық екі қазақ жеңіске жетті
Қытайда туған қазақ спортшылар әлемге әйгілі UFC тұжырымына келісім-шарт беретін іріктеу турнирде жеңіске жетіп, жартылай финалға шықты. Бұл туралы Stan.kz ақпарат агенттігі хабарлайды.
Этникалық қазақтар Дәрмен Заупанұлы мен Балғын Жеңісұлы UFC тұжырымына жолдама беретін Road to UFC турнирінде алғашқы жекпе-жектерін өткізіп, жеңіске жетті. 61 келіде жұдырықтасатын Дәрмен (9-1) жапониялық Одзаки Ренді (6-0-2) ұтса, Балғын (16-5) үндістандық Кантарадж Агасадан (12-3) айласын асырды. Енді Дәрмен жартылай финалда Naiza лигасының чемпионы болған корейлік Су Енгке қарсы шықса, Балғын жапониялық Наканишиге қарсы жұдырықтасады. Егерде екеуі де жеңіске жетсе, Дәрмен мен Балғын финалда жолығуы мүмкін.
Айта кетейік, Road to UFC турнирінің жеңімпазы атанған спортшы UFC тұжырымымен келісім-шартқа отыру мүмкіндігіне ие болады.
2025 жылы болған басты саяси оқиғаларға шолу: Қазақстанда не өзгерді
Қазақстанның ішкі және сыртқы саясатына тоқталдық
Желіде қазақстандықтарға төсбелгілер 350 мың теңгеден сатылып жатқаны туралы ақпарат тарады
“Намыс” және “Батыр Шапағаты” төсбелгілерінің эскиздерін әзірлеген Бақытбек Смағұл төсбелгілерді алаяқтар сатып жүр дейді