Тынық мұхит солтүстіктен оңтүстікке қарай шамамен 15,8 мың км және шығыстан батысқа қарай 19,5 мың км созылып жатыр. Stan.kz Тынық мұхиты жайлы сіз білмеген танымдық, әрі қызықты деректер ұсынады.

Тынық мұхиты туралы қызықты мәліметтер

Тынық мұхиты – Жердің ең үлкен және ең терең су қоймасы. Оның аумағы әлемдегі барлық континенттердің, аралдардың және басқа да жер учаскелерінің көлемінен 30 миллион шаршы шақырымға асып түседі.
Ал күннің өзгеру жолы дәл осы мұхит арқылы өтеді, яғни бүгіннің аяқталуы мен ертеңнің басталуы Тынық мұхитында орын алады.
Тынық мұхитын кесіп өткен бірінші адам Фернан Магеллан. Оның саяхаты 4 айға созылды. Магеллан экспедициясы кезінде ауа-райы тамаша болды, сондықтан ол ашық мұхитты Тынық деп атады. Шын мәнінде бұл мұхит планетадағы ең тыншымайтын мұхит.
Революцияға дейін, мұхит Ресей карталарында Тынық теңізі немесе Шығыс мұхиты деп аталды.
Бұл мұхит жер бетіндегі барлық судың жартысынан астамын қамтиды.
Тынық мұхитында жер бетіндегі ең терең нүкте – «Бездна Челленджера» орналасқан. Соңғы өлшеулерге сәйкес, Мариана аңғарының осы учаскесінің тереңдігі шамамен 11 мың метрді құрайды. Бұл тұңғиықтың ең төменгі нүктесі Эверестің шыңына қарағанда теңіз деңгейінен алыс.
Мұхит айдынында вулкандардың атқылауы нәтижесінде пайда болған 25 мыңнан астам аралдар бар. Олардың саны мен жалпы ауданы бойынша Тынық мұхиты дүние жүзіндегі мұхиттардың ішінде көш бастап тұр.
Тынық мұхитының түбінде өз таулары да бар. Ондағы су асты шыңының саны шамамен 10 мыңға жетеді. Олардың көпшілігі – шыңдары су бетінен мыңдаған метрге төмен орналасқан сөнген жанартаулар.
Тынық мұхиты Жердегі барлық теңіз жануарларының жартысынан астамының үйіне айналған мұхит. Олардың түр алуандылығы планетадағы кез-келген басқа су қоймаларындағы теңіз жануарларының санына қарағанда 3-4 есе көп. Сонымен қатар, мұхитта әлем бойынша еш жерде жоқ ең көне балықтар өмір сүреді.
Тынық мұхитының суында ұзындығы 200 метрге дейін болатын балдырлар өседі.
Тынық мұхитының айдынында барлық лосось балығының түрлерінің 95 пайызы өмір сүреді.
Мұхиттың солтүстігінде әлемдегі ең үлкен моллюскалар өмір сүреді, ондағы тридакналардың салмағы 300 келіні құрайды.
Тынық мұхитының тереңдігінде өз денелері арқылы көп мөлшерде топырақ өткізіп тамақтанатын голотуриялар мекендейді. Ал мұхит түбінде олар тамақтанатын басқа ешқандай қоректік зат жоқ.
ХХ ғасырдың басында Тынық мұхитының түбіне ұзындығы 12,5 мың шақырымнан асатын алғашқы телеграф кабелі тартылды.
Орташа алғанда, Тынық мұхитының тереңдігі шамамен 4,3 шақырымды құрайды.
Бұл мұхит солтүстікке қарай тартылып, оңтүстікке созыла отырып, өз пішінімен үшбұрышқа ұқсайды.
Тынық мұхитындағы ең үлкен жер – Жаңа Гвинея аралы.
Тынық мұхитындағы үлкен тосқауыл кедертас – әлемдегі ең ұзын маржан аралдар тізбегі болып табылады.
Мұхиттағы сейсмикалық белсенділіктің салдарынан мұнда кейде су бетінен сағатына 800 километр жылдамдықпен өтетін алып цунами пайда болады.
Тынық мұхитының ортасында адамдардың немқұрайлығынан диаметрі жүздеген шақырым болатын қоқыс аралдары пайда болуда.
Бұл мұхитта планетадағы ең күшті толқындар соғады. Ондағы толқындар су деңгейінен 9 метрге дейін көтерілуі мүмкін.

Атлант мұхиты жайлы 25 қызықты дерек >>>

Талқылау