Тосқауыл қою жоспары жарияланды: Ақмола облысында екі инспекторды атып кетті
23 шілде күні браконьерлердің қолынан жарақаттанған инспекторлардың біреуі ауруханаға түсіп қалды. Оның жағдайы нашар, деп хабарлайды Stan.kz ақпарат агенттігі.
Браконьерлердің соңына түсіп, оққа ұшып қалған инспекторлар жайлы Ауыл шаруашылығы министрлігінің Орман шаруашылығы және жануарлар дүниесі комитетінің баспасөз хатшысы Сәкен Ділдахмет жазды.
"23 шілде, сағат 11:00-дің шамасында "Охотзоопром" инспекторлары табиғатты қорғау заңнамасына сәйкес тәртіптің бұзылмауын бақылау шарасының аясында Жарқайын аймағында ақбөкенге оқ атылғанын анықтаған. "Нива" көлігінің соңына түскен инспекторларға браконьерлер мылтықтан оқ жаудырған соң, екеуі жарақаттанған", — деп жазды ол Facebook желісіндегі парақшасында.
Қазіргі уақытта бір инспектордың жағдайы өте ауыр. Ол ауруханада есін жимай жатыр. Жарқайын ауданындағы ІІО күдіктілерге іздеу салып, тосқауыл қою жоспарын жариялады.
36 миллион теңгеге пәтер алған қазақстандық баспанасына кіре алмай қалды: Бұрынғы иесі ақшаны алаяқтарға беріп қойған
Пәтердің бұрынғы иесі алаяқтарға алданғаннан кейін баспананы босатудан бас тартқан
Астаналық салон қызметкері массаж кезінде әйелдің аяғын сындырған
Тексеру барысында салонның медициналық лицензиясы жоқ екені анықталды