Тоқаев саяси қуғын-сүргін және ашаршылық құрбандарын еске алды

Мемлекет басшысы Қасым-Жомарт Тоқаев Саяси қуғын-сүргін және ашаршылық құрбандарын еске алу күніне байланысты үндеу жолдады. Бұл туралы Stan.kz ақпарат агенттігі хабарлайды.

Тоқаев 31 мамыр саяси қуғын-сүргіннің құрбандарын еске алды. Сөзінше, оларды жадымызда сақтау, заңдылық қағидаты мен әділдік құндылықтарына адал болу – біздің қастерлі борышымыз.

“Қазақстанда барша азаматтың құқықтары мен бостандықтарын жан-жақты қорғау үшін жүйелі түрде жағдай жасалып жатыр. Мемлекетіміздің осы міндеті 15 наурыздағы жалпыұлттық референдум кезінде қабылданған Конституцияда заң жүзінде бекітілді. Біз бір қоғам болып, озық ойлы ел құру жолына бет бұрдық. Елімізде Әділдік, Заңдылық, Отаншылдық, Еңбекқорлық, Табиғатқа сүйіспеншілік қағидаттары айрықша маңызға ие болады. Сондай-ақ, ғылымды, жоғары технологияларды, мәдениетті және еріктілер қозғалысын дамытуға баса мән беріледі”, – деді Тоқаев.

Айтуынша, әлем жұрты Қазақстанды барлық салада тек алға қарай қадам басып келе жатқан ел ретінде таниды. Ол бұдан да биік белестерді бағындыру үшін қоғам ынтымақ-бірлігі мен тұрақтылығын нығайту керек.

“Қазақстанның болашағы әрдайым жарқын болмақ! Мен бұған кәміл сенемін”, – деді ол.