"Топтық жазатайым оқиға": Еңбек комитетінің басшысы қайғылы оқиғаға кінәлілерді қандай жаза күтіп тұрғанын айтты
"Казахстанская" шахтасында құтқарушылар өртті сөндіру және үш кеншіні іздеу жұмыстарын жалғастыруда. Еңбек комитетінің басшысы Төлеген Оспанқұлов "АрселорМиттал Теміртау" кәсіпорнындағы қайғылы оқиғаға кінәлілерді қандай жаза күтіп тұрғанын айтты. Бұл туралы Stan.kz ақпарат агенттігі хабарлайды.
"Адамдардың өліміне әкеп соқтырған жазатайым оқиғаны тексергеннен кейін материалдар сотқа жіберіліп, қауіпсіздік техникасы мен қызметтік нұсқаулықты бұзғандардың жауапкершілігі анықталады.
Бұл топтық жазатайым оқиға. Қылмыстық кодекске сәйкес, егер сот шынымен де басшылық кінәлі деп таныса, онда жеті жылға дейін қылмыстық жауапкершілік қарастырылған", – деді Оспанқұлов.
Сондай-ақ ол ұжымдық шарт бойынша қаза тапқан кеншілердің отбасыларына он жылдық еңбекақы төленіп, балаларды жоғары оқу орындарында оқытуға көмектесіп, пәтер сатып әперу керектігін айтты.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Алматылықтар арасында маска мен мұрын фильтрі танымал бола бастады: Лас ауадан қорғайтын құралдар шынымен тиімді ме
Масканың көмегі болуы үшін оның FFP2 немесе N95 түрін таңдау керек