“Жолға дайындалып жатырмын. Күйеуім іс-сапардан келді. Муслим сабағында жүр. Ислам бесікті қатты жақсы көріп қалды. Керемет жаңалығымыз бар. Артынан естімедік деп жүрмеңдер. Ән салып, фотоға түсіп, әңгімелескілерің келе ме?! Олай болса біздің ән сапарымыз басталды. Ақтөбе, Атырау, Орал, Шымкент, Ақтау қалаларына барамыз”, – деп қуантты өнер иесі.

Сондай-ақ, әнші босанғаннан кейінгі дене бетімін де көрсетіп, оқырманынан пікір күтті.

“Декреттегі Еркеден әнші Еркеге оралғысы кеп жүрген мен ғой. Сахнаны сағындым. Сіздер де мені сағынған шығарсыздар”, – деп жазды эстрада жұлдызы.

Желі қолданушылары мен әншінің тыңдарманы жарыса пікір жазып жатыр. “Босанғаннан кейін одан бетер сұлуланып, нұрланып кетіпсіз.🩷Ана болудың сезімін ерекше сезінген екенсіз. Жұғысты болсын!”, “Дана Еркеден, ана Еркеге айналған өте әдімі жарасады екен”, “Томпақтығың өзіңе жарасып тұр”, “Өзіңізді сағындық. Кішкентай жігіт рұқсат берсе сахнаға шығыңыз”, “Есімі де ерекше. Көйлегі де керемет. Сіз – басқаға ұқсамайтын, ашық-шашық киінбейтін, сахнаны да, халықты да сыйлайтын әншісіз. Сондықтан сізді құрметтеймін. Әйелге тән барлық қасиет бар. Райым екеуіңіз керемет жұпсыздар”, – деп жазды желі қолданушылары.

Еске салайық, өнерлі жұп баласын қырқынан шығарғаннан кейін, шетелде демалатынын айтқан еді.

Талқылау