Тоғыз кәсіпкерді алдап кеткен қазақстандық Ресейден экстрадицияланды
Ресейлік тарап экстрадициялау мәселесін шешкенін бас прокуратура атап өтті. Күдікті Қазақстанға жіберілді, онда ол қылмыстық жауапқа тартылады. Бұл туралы Stan.kz ақпарат агенттігі хабарлайды.
Фото: pixabay
Бас прокуратураның мәліметінше, 2022-2023 жылдар аралығында қаскүнем шетелден көтерме көлемде азық-түлік жеткіземіз деген желеумен тоғыз кәсіпкердің ақшасын алаяқтық жолмен алып кеткен.
"Жалпы шығын көлемі 470 миллион теңге болған", – деп хабарлады Бас прокуратура.
Прокуратура тәртіп бұзушыға халықаралық іздеу жарияланғанын және ол өткен жылдың желтоқсан айында Мәскеуде ұсталғанын атап өтеді. Экстрадициядан кейін сотталушы уақытша ұстау изоляторына қамалды.
Мұндай қылмыстарда мүлкі тәркіленіп, бес жылдан он жылға дейінгі мерзімге бас бостандығынан айыруға жазаланады.
Еске салайық, бұған дейін ұйымдасқан қылмыстық топты құрған және оның қызметіне басшылық еткен азамат Әзірбайжаннан Қазақстанға экстрадицияланғанын жазған едік.
Талқылау
Қоғам белсендісі Алматы көшелеріне төселген брусчатканың жеке қолға сатылып жатқанын әшкереледі: Алайда әкімдік олардың мұқтаж отбасыға берілгенін айтып отыр
Санжар Боқаевтың айтуынша, әкелінген брусчатка мүлде бүлінбеген, тіпті жаңа күйінде болған
"Қайыққа міну құны 15 мың, сайтта 5 мың теңге": Көлсай көлдерінде қызмет құны неге ресми бағадан жоғары
Министрлік Көлсайда көрсетілетін қызметтің бағаларын реттемейді екен