Тексерістен кейін Қазақстанда 40-тан астам өнім түрін сатуға тыйым салынды
Сауда және интеграция министрлігі тексерістен кейін Қазақстанда 40-тан астам өнім түріне сатуға тыйым салынғанын мәлімдеді. Бұл туралы Stan.kz ақпарат агенттігі хабарлайды.
Фото: pixabay.com
Зерттеуге сәйкес, әрбір екінші өнім денсаулыққа қауіп төндіреді. Зерттеу әртүрлі тағамдар мен тұрмыстық химияның 1423 үлгісін қамтыды. Нәтижелері бойынша, жағдайдың 69%-ында заң бұзушылықтар анықталған.
"Өнімнің 43 түрі үшін сәйкестік декларациялары жойылып, тоқтатылды. Яғни Қазақстан аумағында сатуға тыйым салынды", – делінген хабарламада.
Ең көп таралған құқық бұзушылықтар:
- Өнімдердің 83%-дан астамы таңбалау талаптарына сәйкес келмеді;
- Үлгілердің 17%-ы санитарлық-эпидемиологиялық талаптарға сәйкес келмеді;
- 224 кәсіпкерлік субъектіге қатысты анықталған заң бұзушылықтар үшін әкімшілік жауапкершілік шаралары қабылданды.
"Сүт өнімдерінің жағдайы ерекше алаңдаушылық тудырады. Йогурт пен айран үлгілерінің 70%-ының құрамында консерванттар санының артуы анықталды. Бұл балалар мен тағамдық аллергиясы бар адамдардың денсаулығына теріс әсер етуі мүмкін", – деп толықтырылды хабарламада.
"Акушерьге, дәрігерге, медбикеге бересің": Қазақстандықтар мемлекеттік перзентханалардың ақша бермесең қарамайтынын айтып, қызу талқылады
Әйел: “Әр қараған адамға 2 мың теңгеден екі күнге 60 мың теңге бердім”
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады