"Тәуіп тірі деді": Таразда жоғалған өрт сөндірушінің туыстары дала кезіп жүр

Жамбыл облысындағы жарылыстан соң із-түзсіз жоғалған өрт сөндіруші Бауыржан Дәуітбаевтің туыстары тәуіптердің алдына барып, бүгінде дала кезіп жүр. Іздестіру жұмыстарынан күдер үзген Бауыржанның отбасына көріпкел үміт сыйлаған. Ол Дәуітбаевтің тірі екенін айтқан. 

Бұл туралы 7-арнаның "Айбат" жаңалықтар қызметі хабарлады.

Әскерилер іздестіру жұмыстарының үздіксіз жүріп жатқанына сендірді. Ал өз өмірін құрбандыққа тіккен батырдың туыстары алдымен, егіс алқабын қарап, сосын Тараз қалалық №1 ауруханасына бармақ. 
Себебі олар апат кезінде ауруханаға алғаш түскен науқастардың бірінің белгісіз суретін Бауыржанға ұқсатыпты.

• "Үйі бар қаңғыбаспыз": Өлместің күйін кешкен Қызылорданың шет аймақтарындағы тұрғындардың жайы қалай?

• "Трактордың астына түсемін": Қызылордада әкімдік үйі мен жерін тартып алған тұрғындар қарсылық білдіруде

"Бір сурет жартылай түскен, соны қарап күдіктеніп отырмыз, біздің ініміз шығар деп. Барып камераны түгел аштырсақ па дегенбіз. Баукаға ұқсатып отырмыз, суретті салыстырып. Қазір тәуіптің айтқанымен Базарбайдың егіс алқабын қарап жүрміз", – деді Бауыржанның әпкесі Фарида Дәуітбаева.