Таразда әйелінің сіңлісін зорлады деген ер адам қамауға алынды
Таразда 15 жастағы әйелінің сіңлісін бір жыл бойы зорлды деген күдікке ілінген ер адам қамауға алынды. Бұл туралы Stan.kz ақпарат агенттігі хабарлайды.
Фото: Freepik.com
Жуырда жәбірленушінің анасы дабыл қағып, еркіндікте жүрген күдіктінің кейбір туыстарының көмегімен өзіне қысым көрсетіп, тіпті өз-өзіне қол жұмсаймын деп қорқытқанын айтқан болатын.
"Мен отбасым мен балаларым үшін алаңдаймын. Президенттен бұл істі өз бақылауына алып, кінәліні заң аясында ең қатаң жазалауын сұраймын", – деген еді жәбірленушінің анасы.
Күдіктіге ҚР Қылмыстық кодексінің 121-бабы бойынша іс қозғалды. Егер оның кінәсі дәлелденсе, ол 17 жылға дейін бас бостандығынан айырылуы мүмкін.
Еске салсақ, осыған дейін Таразда 15 жастағы қызды бір жыл бойы жездесі зорлап келген.
Талқылау