Солтүстік Қазақстанда қоныс аударушыларға арнап салынған жаңа үйлер сүріліп жатыр (видео)
Солтүстік Қазақстан облысында елдің оңтүстік өңірлерінен қоныс аударған азаматтарға арнап бірнеше жыл бұрын салынған үйлер сүріліп жатыр. Бұл туралы Stan.kz ақпарат агенттігі хабарлайды.
Ғимараттарды бұзу сәті түсірілген видеолар әлеуметтік желілерде тарады. Видеода Шал ақын ауданының Сергеевка қаласындағы Қадыралин көшесінің тұрғыны үйлердің бұзылуынан кейін қалған қоқысты көрсетіп, жағдайға наразылығын білдірген.
Белгілі болғандай, жаңадан салынған үйлер көп ұзамай апатты жағдайда деп танылған. Қолда бар ақпаратқа сәйкес, олар пайдалануға берілгеннен бері ешкім тұрмаған.
Жергілікті тұрғындардың айтуынша, өңірге қоныс аударған кейбір азаматтар баспана алып, алайда өздеріне арнап салынған үйлерге көшіп бармаған.
Сонымен қатар, бұл үйлерге баспана сұраған жергілікті тұрғындар да орналастырылмаған.
Еске салсақ, бұған дейін депутат құрылыс салушыларға жаңа талаптар ұсынғаны туралы жазған едік.
"Балалардың қызуы 40°C-қа дейін көтеріліп, ауруханаға түсіп жатыр": Алматыда қандай инфекциялар таралып жатқаны белгілі болды
Маман ата-аналар баланың жағдайын мұқият бақылауы керегін ескертті
“ҚазМұнайГаз” 34 көлікті бес жылға жалдауға 4,2 миллиард теңге жұмсамақ
«ҚазМұнайГаз» 4,2 миллиард теңгеге көлік жалдамақ: компанияның жауабы қандай?
