Соңғы жаңалықтар
Соңғы жаңалықтар

"Суши алып, сусынға ақша жетпей қалатын": Дина Есеева Мейіржан екеуі қандай қиындықтардан өткенін айтты

Дана Есеева өткенін еске ала жолдасы Мейіржан екеуі бастан өткерген сын сағаттарды айтты. Табысқа жету жолында біршама қиын сыннан өткенін мойындайды. Бүгінде сол уақыттарда сынып кетпегені үшін қуанады. 

“1 минуттық видеоға 33 жарым жылды жинау қиын. Фотосуреттерді жинау барысында мен көптеген эмоциялар мен естеліктерді еске түсірдім. Мектептегі барлық озат қыздар сияқты киінгім келетін балалық шағым есіме түсті, бірақ амал жоқ. Сондықтан болар, қазір әйелдер киімін сататын дүкендерім бар.

Мейіржан екеуміз стипендия алған соң суши жеуге жүгіретінбіз. Бұрындары сондай керемет болатын. Бірде жапон мейрамханасына келдік, тапсырыс бердік, бірақ лимонадқа ақша жетпей қалды, өйткені ақшамыз аз еді. Ал Мейіржан маған: "Күнде суши мен пицца жейтін уақыт келеді" деді. Мен: "Кем дегенде аптасына бір рет, сонда керемет болады" дедім”, – деп жазды блогер. 

Айтуынша, Мейіржан екеуі алғаш рет фотограф болып жұмыс істеген. Суши жеп, сусынға ақша жетпей қалатын күндері жиі болған. Кейіннен Мейіржан шығармашылыққа бет бұрса, өзі бизнес бастайды.

“Біз фотограф болып жұмыс істеген кезімізде біздің фотоаппаратымыз бен ноутбугымызды ұрлап кетті, онда клиенттердің тапсырыстары болатын. Біз оларға ақшаны қайтарып, бәрін басынан бастауға тура келді. Бірде Мейіржан екеуміз 20 000 доллар жинап, алаяқтарға өзіміз тапсырдық. 

Сосын Мержик – шығармашылыққа, мен бизнеске кеттім. Алғашында Қытайда көтерме базарларда жүк тасушыға беретін ақшаны үнемдеп, құмырсқадай боп өзім алып жүретінмін. Аш құмырсқа секілді. Ал 25 000 доллардың тауарын жоғалтқанда, өмір маған қарсы деп ойладым. Бірнеше жылдан кейін девальвацияның кесірінен 500 000 доллар ұтылып қалдым. Мен өзімді тірі өліктей сезіндім. Бірақ тайсалмай, керісінше жаңа нүктелер ашып, кәсібімді одан сайын алға жылжыттым. Балаларым менімен бірге жөндеу шеберханаларына, құрылыс базарларына барды, өйткені оларды қалдыратын ешкім жоқ еді. Меніңше, олардың өздері қазірдің өзінде дайын бизнесмендер сияқты”, – дейді Дана. 

Дана Есеева алаяқтар мен бизнесмендерге талай алданғанда, өзіне бәрі қарсы секілді ауыр сезімді бастан кешті. Алайда сынып кеткен жоқ. Бүгінде сол үшін қуанады. 

“Бизнесте мені лақтырып кеткен жағдайлар көп болды. Бұл оңай болған жоқ, егер бұл отбасым үшін және  ерік-жігерім үшін болмаса, мен әрі қарай жүре алмас едім. Алла Тағалаға мадақ, қазір өзіміздің киім тігетін фабрикамыз,  дүкендер желісіміз,  жартылай фабрикаттар шығаратын цехымыз бар. Мержиктің өз бизнес бағыттары бар.

Кейде бізге бәрі жоғалып кеткен сияқты болып көрінеді! Маған ештеңе көмектеспейді және менің бүкіл өмірім аяқталды деп ойлаймыз. Осы сәттерде сіз тек алға жүруіңіз керек және ешбір жағдайда бас тартпаңыз. Ал құлау мен сәтсіздікке ұшырау жақсы нәрсеге апаратын жол екенін біліңіз. Ең бастысы –   бас тартпау”, – деп жазды Дана Есеева.

“Керемет жұпсыздар, сондай жарасымды”, “Бірге жеткен жақсы ғой, қадірін білесіздер”, “Әр жақсылықтың қиындығы бар, әр қиындықтың жеңілдігі бар”, “Бізге күш бердіңіз”, “Бізге де жұғысты болсын”, “Мықты әйелсіз”, – деп жазды желідегі оқырмандары. 

Талқылау