"Сіз бен бізге қатысы жоқ": Министр саңырауқұлақ пен жидек тергені үшін салықты кімдердің төлейтінін айтты
ҚР Қаржы министрі Ерұлан Жамаубаев саңырауқұлақ пен жидек теруге салынатын жаңа салық туралы түсіндірді. Айтуынша, салық тек жидектерді коммерциялық мақсатқа пайдалану үшін жинаған кәсіпкерлерге салынады деп хабарлайды Stan.kz ақпарат агенттігі.
Қаржы министрі мәжілісте өткен брифингте саңырауқұлақтар мен жидектерді теру бұрынан барын айтты. Алайда бұрын тек ерекше қорғалатын аймақтардың, саябақтардың, қорықтардың және т.б. аумақтарда ғана таралған.
“Бұл сіз бен біз сияқты қарапайым азаматтарға қатысы жоқ. Біз дәрі-дәрмекті сол жерде өндіретін немесе коммерциялық мақсатта пайдаланғалы жатқан, айналымға енгізген кәсіпкерлер туралы айтып отырмыз", - деді министр.
Жамаубаев сонымен қатар жидек теріп, оны сатып, мектепке дайындалу үшін қаражат жинайтын көп балалы отбасыға да бұл салық салынбайтынын айтты.
Еске салсақ, Мемлекеттік кірістер комитеті енді 2024 жылдан бастап қазақстандықтардың саңырауқұлақ пен жидек тергені үшін салық төлейтінін мәлімдеген болатын.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"