Шизофрениямен ауыратын өзі масаң күйде болған азамат әкімді жұмыс орнында өлтірмек болған
Жамбыл ауданындағы Ойтал ауылдық округінің әкіміне шизофрениямен ауыратын ер адам жұмыс орнында шабуылдағаннан кейін пышақ жарақатымен ауруханаға түсті деп хабарлайды Stan.kz ақпарат агенттігі. Бұл жөнінде облыстық полиция департаменті мәлімдеді.
Құқық қорғау органдары оқиғаның өткен аптада болғанын, қазір қылмысқа қатысты тергеу жүріп жатқанын түсіндірді.
"2023 жылдың 24 наурызында Меркен ауданының полиция бөліміне Ойтал ауылдық округінің әкімі жұмыс орнында белгісіз ер адамнан пышақ жарақатымен ауруханаға жеткізілгені туралы хабарлама түскен. Аталған факті бойынша Қазақстан Республикасы Қылмыстық кодексінің 106-бабының 1-бөлігі ("Денсаулыққа қасақана ауыр зиян келтіру") бойынша сотқа дейінгі тергеу басталды", - делінген Жамбыл облысы полиция департаментінің мәліметінде.
- Балаларын Сайранда тұншықтырмақ болған алматылық әйел жазадан сытылып, қаладан қашып кетті
- Алматыда 4 ер адам әйелді өлтірмек болды
- Аяқ-қолын байлап, тірідей көмген: Күйеуі өлтірмек болған әйел смарт сағатының көмегімен полиция шақырып, аман қалды
Меркендік полицейлер күдіктіні ұстаған, ол 42 жастағы жергілікті тұрғын болып шықты. Медициналық сараптама шабуыл жасаған кезде ер адамның алкогольдік және есірткілік масаң күйде болғанын көрсеткен. Сонымен қатар, оның 2013 жылға дейін шизофрения диагнозымен Жамбыл облыстық психикалық денсаулық орталығында есепте тұрғаны белгілі болды.
Күдікті уақытша ұстау изоляторына қамалды. Тергеу жүріп жатыр, қажетті сараптамалар тағайындалған.
"Мәһрге наубайхана ашып беруді сұрадым": Египеттік жігітке тұрмысқа шыққан қазақ қызының тойы желіде қызу талқыға түсті
