Шымкентте ұйымдасқан қылмыстық топ пара алып жатқан жерінен ұсталды
Шымкентте ұйымдасқан қылмыстық топ 600 миллион теңгеден астам жалған шот-фактура жасап бергені үшін сыйақы алып жатқан кезде ұсталды, деп хабарлайды Stan.kz ақпарат агенттігі.
Қылмыскерлерді Қаржы мониторингі комитеті Экономикалық тергеу департаментінің өкілдері ұстаған. Жедел-іздестіру іс-шараларын жүргізу нәтижесінде Шымкент аумағында алдын ала сөз байласу арқылы бір топ адам іс жүзінде жұмыстар орындалмай, қызметтер көрсетілмей, аса ірі мөлшерде тауарлар тиеп-жөнелтілмей шот-фактураларды жазып берумен айналысатыны анықталды.
"40 млн теңге мөлшерінде, яғни 615 млн теңге сомаға жалған шот-фактураларды жазып бергені үшін жалпы соманың 6,5%-ы көлемінде алып жатқан жерінен 4 адам ұсталды", - деп хабарлады Қаржы мониторингі комитетінде.
Шымкент қаласының Абай аудандық соты айыпталушыларды ҚР ҚК 216-бабының 3-бөлігіне сәйкес кінәлі деп таныды. Оларға 3 жылға шартты түрде бас бостандығын шектеу жазасы тағайындалды.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық