Шымкентте бірнеше құрылыс дүкені өртеніп кетті
17 қаңтарда Шымкенттегі бірнеше құрылыс дүкенін өрт шарпыды. Бұл туралы Stan.kz ақпарат агенттігі Otyrar.kz сайтына сілтеме жасап хабарлайды.
Өрт тұтанғаны туралы ақпарат төтенше жағдайлар департаментіне түнгі 01:15 шамасында түскен.
Төтенше жағдайлар департаменті қызметкерлерінің ақпараты бойынша, "Евролюкс", "Гармония", "Марморит", "Медина" құрылыс дүкендері мен Әйтеке би көшесіндегі қойма өртенген.
"Қызыл жалын 1300 шаршы метр аумақты шарпыған. Ал ғимараттың жалпы аумағы – 1400 шаршы метр. Департамент оқиға орнында күшейтілген режимде жұмыс істеп жатыр", – делінген Шымкент қалалық ТЖД баспасөз қызметінің хабарламасында.
Өрт түтіні Шымкенттегі құрылыс дүкендері орналасқан Ескі қала көшесінен бірнеше шақырым жерден көрінген. Куәгерлердің сөзінше, ешкім зардап шекпеген.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді