Шымкентте күзетші жасөспірімді "тәрбиелеймін" деп аяусыз ұрған (видео)
Желіде жасөспірімді "тәрбиелеймін" деп аяусыз ұрған шымкенттіктің видеосы таралды. Бұл туралы Stan.kz ақпарат агенттігі хабарлайды.
Кадрларда күзетшіге немесе полицейге ұқсайтын ер адам жасөспірімді ұстап алып, ұрсып, ағашпен бірнеше рет ұрғанын көруге болады. Ер адам бұнымен қоймай балаға балағат сөздер айтып, айқайлайды. Ал бала одан кешірім сұрайды. Видеодан жасөспірімнің “Аға, кешіріңіз! Ойбай! Кешіріңіз, өтінемін!" деген жанды дауысын естуге болады.
"Мына кісіге мылтық берсе балаларды атып тастайды", - деп жазылған видеода жазбасында.
Шымкент полиция департаментінің баспасөз қызметі адам шошырлық видеоға түсініктеме берді. Құқық қорғау органдары жанжалдың себебі мен күзетшінің жеке басы туралы деректерді айтпады. Бұл факт бойынша тергеу жүргізіліп жатыр екен.
"Бұл дерек бойынша қылмыстық іс қозғалды. Тергеу жүргізіліп жатыр", - деді ведомство өкілі.
Талқылау
"Есік-терезе жақтаулары бүлінген, едені тесік": Алматылық RAMS Qazaqstan-нан 85 миллион теңгеге алған пәтеріне шағымданды
Екі алматылық құрылыс компаниясының жұмысына шағым білдірді
Қазақстандық бойжеткен үй иесінің пәтерге кез келген уақытта ескертусіз кіріп келетініне ашуланды
Шапағат осы жағдайдан соң үй иесімен коммуналдық төлемдер туралы жанжалдасып қалған