Марқұм Бақытжан Оңалбеков 30 қыркүйек өзіне қол жұмсаған. Соңғы жарты жылда отбасының қарызын қайтару үшін мал баққан. Өз маңдай терімен 300 мың теңге жинаған. Қожайын оған қой бағуды ұсынған, бірақ туыстарының айтуынша Бақытжан нағыз құлдыққа жегілген.

"Қаласа боқтайды, ойына келсе ұра салады деп баламның өзі мойындаған. Егер бір рет ұрса, онда екінші рет те қол көтеретініне сенімдімін. Ол үш рет қашып кеткен, алайда оны тауып алып, қайта жұмысқа жеккен. Ең соңғы рет мен өзім оған: "Соңғы бес күн қалды, адал еңбегіңмен өтеп қайт” деп жіберген едім. Егер бұлай боларын білгенде, ешқашан жібермес едім ғой", – дейді Бақытжанның анасы Аягөз Бердалиева.

"Құжаттарымды тартып алды": Шымкент тұрғыны төрт ай бойы құлдықта болғанын айтты

"Біреуге тіс жаратын болсаң, тауып аламын да өлтіремін": Қазақстанда құлдықта болған өзбекстандықтар оқиғаларымен бөлісті

"22 жыл күң секілді пайдаланды": Қарағандылық әйел құлдыққа қалай түскенін айтып берді

Марқұмның соңында 2 жасар баласы қалды. Анасының айтуынша, қайғылы оқиға болатын күні малдың иесі бес қойының жоғалып кеткенін айтқан. Және осы үшін тағы да 300 мың теңге талап етіп, өзінің "ұзын қолдары" мен таныстарын айтып қорқытқан. Бақытжан осы жаңалықтан кейін қорқынышты қадамға барған.

"Біз кеше Леңгірге бардық, онда бізге күдіктінің бірі Сайрамда жол полициясы болып істейтінін айтты. Мейлі заң қызметкері болсаң да, сенің бөтен біреудің баласын бұлай қорлауға қақың жоқ еді. Сенің де өз балаларың өсіп келе жатыр", – дейді марқұмның анасы.

Туыстары Бақытжан малын баққан отардың иесінің нөмірін ұсынған, бірақ ол марқұмның онда еңбек етпегенін айтады. Туыстары полицияға арыз түсірді. Тергеу жұмыстарына байланысты ер адамның денесі әлі жер қойнына тапсырылмаған. Түркістан облыстық полиция департаменті өз кезегінде аталған іс басшылықтың тікелей назарында екенін жеткізді.

Талқылау